C'hoariva, teatr brezhonek

Pezhioù da welet

1. TV Ploneiz
   • Berr-ha-berr
   • Degemer mat war "Tv Ploneiz" ! Un heuliad sketchoù berr fentus leurenniet gant lou Millour.
     
2. Romeo ha Julieta
   • Berr-ha-berr
   • Setu strollad Plon8 war al leurenn en dro evit o eil bloavezh.
     Er bloaz-mañ o deus dilezet spered ar sketchoù a oa ganto warlene evit uhellaat a-galz o live betek krediñ c'hoari Shakespeare e yezh Jakez Riou.
     Ha n'eo ket an disterañ pezh-c'hoari a zo bet dibabet ganto peogwir e kinnigont Romeo ha Julieta.
     Hag-eñ e c'hello ar strollad-mañ chom tost eus spered an oberour, n'eo ket sur daoust dezho da vezañ bet barrek a-walc'h evit klokaat ar pezh betek lakaat ac'hanomp da zizoloiñ nozvezh kentañ an daou garedig. Hag aze kraz an traoù ganto.
     
     Gant o fent, o startijenn hag alioù fur Lou Millour e lak ar re-mañ ac'hanomp da gaout ur c'horfad plijadur .
     
     E Breizh e vo diskouezhet ar pezh da gentañ penn e Ploneiz da geñver fest-noz Radio-Kerne hag un tamm pep lec'h diwezhatoc'h 'barzh ma vo galvet ar strollad gant urn droiad etrevroadel evel bep bloaz
     
     
3. Ar Fouzher Fouzhet
   • Berr-ha-berr
   • Strollad Plon8 a ginnig deomp o c'hrouidigezh diwezhañ. Ur pezh c'hoari savet gant ar strollad war tem « l'arroseur arrosé ». E-pad eured Maria ha Richard emañ an teodoù o vont. Tamm ha tamm e teu ar wirionez war wel. Benn ar fin az aio an trec'h gant ar garantez met en ur mod dic'hortoz a-walc'h.