C'hoariva, teatr brezhonek

Pezhioù da welet

1. Sul
   • Berr-ha-berr

   • Emañ strollad Plon'8 gant ul lañs nevez er bloaz-mañ.
     
     Ur pezh-c’hoari un hanter eurvezh e brezhoneg penn da benn !
     Azasaet diwar "Dimanche" gant JM Ribes, tudennoù ha sotonioù ouzhpenn...
      
     En ur familh e-giz ar re all :
     An tad : Sioul, atav war e bouez, ne vo ket aes souezhañ anezhañ,
     Ar vamm : Strizh, o vevañ dindan askell ar relijion, arabat klask souezhañ anezhi,
     Ar verc’h : Ur grennardez a vije plijet e strakfe ar bedig bed tro-dro dezhi,
     Ar mab : Gwall yaouank c’hoazh en e benn, a-wechoù ne gompren ket toud.
     
     Ar pezh : Ur sulvezh vintin e-giz ar re all e ti ar re Gersale. Mintin-mañ, ne oa den ebet o c’hortoz ur seurt darvoud. Ne vo tra‚ bet ken e-giz gwechall.
     
     

      

2. Romeo ha Julieta
   • Berr-ha-berr
   • Setu strollad Plon8 war al leurenn en dro evit o eil bloavezh.
     Er bloaz-mañ o deus dilezet spered ar sketchoù a oa ganto warlene evit uhellaat a-galz o live betek krediñ c'hoari Shakespeare e yezh Jakez Riou.
     Ha n'eo ket an disterañ pezh-c'hoari a zo bet dibabet ganto peogwir e kinnigont Romeo ha Julieta.
     Hag-eñ e c'hello ar strollad-mañ chom tost eus spered an oberour, n'eo ket sur daoust dezho da vezañ bet barrek a-walc'h evit klokaat ar pezh betek lakaat ac'hanomp da zizoloiñ nozvezh kentañ an daou garedig. Hag aze kraz an traoù ganto.
     
     Gant o fent, o startijenn hag alioù fur Lou Millour e lak ar re-mañ ac'hanomp da gaout ur c'horfad plijadur .
     
     E Breizh e vo diskouezhet ar pezh da gentañ penn e Ploneiz da geñver fest-noz Radio-Kerne hag un tamm pep lec'h diwezhatoc'h 'barzh ma vo galvet ar strollad gant urn droiad etrevroadel evel bep bloaz
     
     
3. TV Ploneiz
   • Berr-ha-berr
   • Degemer mat war "Tv Ploneiz" ! Un heuliad sketchoù berr fentus leurenniet gant lou Millour.