C'hoariva, teatr brezhonek

Pezhioù da welet

1. Kas ouzh kas
   • Berr-ha-berr

   • Daou dad-kozh zo fachet abaoe bloavezhioù hag o div familh a vag droug an eil ouzh ebenn.

     Octave Nec'hudig ha Raoul Kudenneg, mignoned vras, a oa kouezhet e karantez gant ar memes plac'h, Solena. Gant Raoul e timezas-hi, met evit se e roas-eñ e vignon d'ar polis.

     Kas zo etrezo evel-just, met tud zo er familhoù o deus c'hoant da lakaat an traoù da cheñch.

2. Sorset !!
   • Berr-ha-berr
   • En ur bed hud anvet Klagorn, e vev asambles tud vat, doare kornandonezed ha majisianed, met bez' e vev eno ivez goblined eus ar re zroukañ, a glask lazhañ ha debriñ tud.
     Erruet eo nevez 'zo ur sorserez e Klagorn; n'eo ket peurzesket an teknikoù hud ganti, hag ober a ra ur bern sotonioù. Un tapad bras zo ouzh he jod kleiz.
     Ar goblined o deus kontet en o mojennoù hengounel abaoe pell e teufe un den gant un tapad bras ouzh e jod kleiz da zistrujañ anezho. Spontet int gant se ha bepred e vezont war evezh.
3. Troc'het e vo
   • Berr-ha-berr
   • Bed kriz ar sinema hag an aktourien.
4. Fallat Rummad / Jessika
   • Berr-ha-berr

   •  

     E 2008 eo bet skrivet « Fallat rummad / Jessica » gant Katell Léon, hag a vesk rummadoù sitcom, spont, enklask polis ha komedienn, war ar mod fentus... Istor ur plac'h, Jessica, hag a lak holl baotred he skol da dreiñ sot. Nemet emañ e karantez gant Jessie. Joe, ne c'hell ket padout se ha tuta a ra ul lazherez... Daou enseller polis ha div vamm-gozh un tamm foll a gemmo an traoù...